నాకు తెలిసే బండు శాకిరి

 అయిదుగురు ఆడపిల్లలు ఇద్దరు మగపిల్లలు 

ఆయన భార్య 

వాల్లకడుపులు కష్టాలు బాధలు కన్నీళ్లు మా ''నాన్న''

నాకు తెలిసిన మా ''నాన్న'' కు 

కోపమెక్కువ  కానీ కన్నకడుపుల మమ్మల్ని యేనాడు ఉపవాసాలు ఉంచలేదు

రేకుల తండ మూడు కిలోమీటర్లు, నాగారం ఏడు కిలోమీటర్లు

ఆయనకు తెలిసింది కరెంట్ పని అరకపని బండు శాకిరి పొద్దుగాల లేస్తే 

నెత్తిన ఒడ్ల బస్తా పెట్టుకొని మెడను ఓర్చుకొని మోసుకొచ్చి మా ఆకలి తీర్చడం ఆయన లక్ష్యం 

మాకోసం ఆయన తొక్కిన సైకిలు కిలోమీటర్లు వేలు లక్షలు 

కష్టాలంటే మామూలు కష్టాలు కాదు కానీ ఎవ్వరికీ ఏం తక్కువ చేయలేదు 

అందరికీ అక్షర జ్ఞానం నేర్పించాడు తను చదువుకున్నట్లు మామూలుగా కాదు 

తనలా కష్టపడకుండా ఉండాలనేదే ఆయన తపన, కులవృత్తి కూటి బాధల అనుభవాలను 

ఏమనుకున్నాడో కానీ కొడుకులు ఆ కష్టాలు పడొద్దని సదువుకొమ్మని పట్టుబట్టిన సదుద్దేశి 

పిరికెడు బియ్యం కడుపు నింపినా తనలా కష్టపడొద్దని రెక్కొడిన కష్టశీలి 

ఆడపిల్లలు వాళ్ళ పిల్లలు మా పిల్లలు వాళ్ళ కళ్ళల్లో ఆనందాలు చూడడానికి

 అహర్నిశలు కష్టపడ్డ అలుపెరగని అనుభవాలు ఆయన 

78 వయసులో కూడా నేనున్నారా మీకోసమని అవిశ్రాంత ధైర్యం ఆయన మాటలు 

మాకు ఎనలేని శక్తి 

 నీ కష్టం మా జీవితం నీ ప్రయత్నాలు మా జీవనం నీ అనుభవాలు మా ప్రగతి 

నీ ప్రేరణ మా భావిజీవితం నీ కొడుకుగా పుట్టడం నా అదృష్టం 

నీ ఆశీర్వాదం నా అభివృద్ది 

ఆరోగ్యంగా కలకాలం ఉండి మా ఊపిరై మమ్మల్ని కాపాడిన ''నాన్నా'' నువ్వే నా ఆరాద్యుదీవి 

సదా సర్వకాల పూజ్యుడా నాన్నల దినోత్సవ శుభాకాంక్షలు 

దీనబాంధవ 

   

  

                              చంద్రుడా సల్లగ బతుకు బతుకు

బీడు వారిన పాడు బతుకుకు తోడుగుండి నీడవైతివి

గడ్డపారాలు బయట పెడితివి గంప నెత్తిన పెట్టమంటివి

కూటి తిప్పలు కోటిమందివి కాలరాస్తివి కనికరిస్తివి 

సద్దిమూటలు కట్టి రైతులు సల్లగుండాలంటు గట్టిగ 

తెలంగాణ మట్టి మనిషికి  బలము వైతివి చంద్రుడా 

సల్లగ బతుకు బతుకు 

నాటు పెట్టె నాటికీ నీటి  నిల్వలు నిండుగుంటే 

పంటలేసిన పదును భూమి పచ్చ పచ్చగ విచ్చుకొంటే 

మొలకలెత్తే మొదటి రోజు మొఖము నిండా ధైర్యముండి 

సాలు సాలును సాగుచేసి మడుల నిండా దారలైతే

బాగుపడతడు రైతన్నని బాగుకోరిన చంద్రుడా 

సల్లగ బతుకు బతుకు 

నిల్వ నీల్లకు తావునిస్తే చెరువు నిండా నిండి ఉంటే 

పలుగు పారలు పట్టేటోల్లు గట్లు షెల్కలు చేసేటోల్లు 

గుండె ధైర్యంగుంటదని రైతు గుండెను తెల్సుకోని 

పదవి పొందిన నాటినుండే పాటుపడుతూ పరుగులెడుతూ

చెరువు తల్లికి చేయి కలపని గొంతు నెత్తిన చంద్రుడా 

సల్లగ బతుకు బతుకు

  

 

                     క్షణిక కాలం 
పయనించే జీవిత గాలిపటం క్షణిక కాలం
పిలుపులను మాన్పించే మరణం క్షణిక కాలం 
ప్రకృతిని  చూపించే జననం క్షణిక కాలం 
పడిలేచే కడలి తరంగం క్షణిక కాలం
ప్రయోగపు విజయ బావుటా క్షణిక కాలం
తరతరాల రాతలను మార్చడం క్షణిక కాలం
తెలవారే ముందు వెలుగు  చీకటి క్షణిక కాలం
తెరచాటు నగ్న సత్యం విలువ క్షణిక కాలం
ఎండ మావుల వేడి వెన్నెల క్షణిక కాలం 
ఏడిపించే అనుభవాలు క్షణిక కాలం 
వలచి వచ్చిన వేడి వేసవి క్షణిక కాలం 
ముసురుగప్పిన మబ్బు మనసు క్షణిక కాలం

  

క్షమించు తల్లీ

                                                            క్షమించు తల్లీ 
కోపం మాపైన ఎందుకమ్మా 
కన్నా బిడ్డలపైన తల్లికి కోపమా... ? 
నవమాసాలు మోసిన తల్లికి మేము 
కొంతే ఋణపడి ఉన్నా.... 
నిరంతరం మమ్మల్ని నీ భుజస్కందాల పైన మోస్తూ 
అల్లారుముద్దుగా ఆలనా పాలనా చూసుకుంటూ కడుపులో పెట్టుకొని 
చూసుకునే నీకు మేమెప్పుడూ రుణపడే ఉంటామమ్మా .... 
ఎక్కడో తెలిసీ తెలియక ఏదో చిన్న చిన్న తప్పులు 
చేస్తే వేల ప్రాణాలను ఎందుకు తల్లీ పొట్టన పెట్టుకుంటున్నావు
ఒహో మేము నీ కడుపులో పుట్టలేదు కదా అందుకా 
అమ్మా అన్నీ తెలిసిన అమ్మలగన్న మాయమ్మవి 
దుర్మార్గాలను దుష్టులను వదిలేసి 
అమాయకుల జీవితాలను అంధకారంతో అతలాకుతలం చేస్తున్నావు అమ్మా..  భూమాతా అందరం నీ బిడ్డలమే కదా తల్లీ 
క్షమించి శాంతించు తల్లీ.....   

                        ఉపయోగ పడుతున్నామా మిత్రమా ...... 

కోడి ,మేక ,గొర్రె ,అమాయకపు జంతువులూ ప్రతి ఆదివారం వాటి ప్రాణాలను ప్రజలకు పంచి  రుచికి ఉపయోగపడుతున్నాయ్ ఎలాగో తెలుసా మాంసపు ముద్దల్లా నరుక్కొని నరుక్కొని తింటున్నాం 
మరి మేధాస్సులేని మేకకన్నా మీరేం తక్కువగాదు మిత్రమా మనకున్న బుద్ధి , ఆలోచన ,వాటికి లేదు అయినా 
మనకు ఆనందాన్ని ఆకలిని తీరుస్తున్నాయి...  అన్నీ ఉన్నా మనం ఎవరికన్నా ఎలాంటి ఉపయోగాన్నైనా ఇవ్వగాలుగుతున్నమా లేదాని మాంసం  తినేప్పుడు ఆలోచించండి మిత్రమా 

అనుభవిద్దాం అనుభవమైనా వస్తుంది కదా .... 



600 ల దెబ్బలు తినే ప్రాణం లేని ఒక "బంతి" 11 మంది మాత్రమే ఆడే క్రికెట్ ఆటలో ఒక దేశ గౌరవాన్ని గెలిపిస్తుంది... మరి అన్నీ చేయగలిగిన మనం అనుకుంటే ఏ పని అయినా అసాధ్యమా మిత్రమా దెబ్బలు తగలనీ ప్రతి దెబ్బకీ ఎదురు వెళ్దాం ...... మంచి అనుభవమైనా వస్తుంది ప్రయత్నం మాత్రం ఆపొద్దు గెలిచేవరకు .............. 
దీనబాంధవ